რონდელის უსაფრთხოების კონფერენცია 2023

საერთაშორისო ექსპერტებმა ასევე განიხილეს უკრაინაში რუსეთის შეჭრის შედეგად განვითარებული რეგიონული უსაფრთხოების დინამიკა ევროპისა და აზიის კონტინენტზე, რუსეთისა და დასავლეთის ურთიერთობები, რეგიონული ძალების საგარეო პოლიტიკა და სამხრეთ კავკასიისა და ცენტრალური აზიის უახლესი გეოპოლიტიკური ტენდენციები.

კონფერენციაში მონაწილეობდნენ ამერიკის შეერთებული შტატების, ევროპის, სამხრეთ კავკასიის, ცენტრალური აზიისა და ახლო აღმოსავლეთის კვლევითი ორგანიზაციების, უმაღლესი საგანმანათლებლო დაწესებულებების, მთავრობისა და მედიის წარმომადგენლები.

კონფერენციის გახსნის ღონისძიებაზე, აშშ-ის ელჩმა კელი დეგნანმა მის მისასალმებელ სიტყვაში ყურადღება გაამახვილა, რომ საქართველო ევროკავშირში ინტეგრაციის მიზანთან ისე ახლოსაა, ვიდრე არასდროს მანამდე. „იმისთვის, რომ მივაღწიოთ აღნიშულ მიზანს, საერთაშორისო თანამეგობრობა დაუჭერს და უნდა დაუჭიროს მხარი საქართველოს ამ პროცესში, განსაკუთრებით , კი რუსეთის მხრიდან ქვეყნის დასუსტებისა და დაყოფის მიმდინარე მცდელობების ფონზე“.

კონფერენცია გაიმართა გერმანიის მარშალის ფონდის (GMF), შავი ზღვის რეგიონული თანამშრომლობის ინიციატივისა და ფრიდრიხ ებერტის ფონდის (Friedrich Ebert Stiftung) მხარდაჭერით.